पुण्यात अवकाळी पावसाने रस्ते बुडवले; नाले सफाईची गरज पुन्हा अधोरेखित
पुणे :24 एप्रिलच्या अवकाळी पावसाने पुणेकरांना चांगलेच झोडपले. अचानक झालेल्या मुसळधार सरींमुळे शहरातील अनेक रस्ते पाण्याखाली गेले, वाहतूक कोंडी झाली आणि नागरिकांची दाणादाण उडाली. उकाड्यापासून काहीसा दिलासा मिळाला असला तरी ड्रेनेज व्यवस्थेतील त्रुटी पुन्हा एकदा उघड झाल्या.
रस्त्यांवर पाण्याचे साम्राज्य
जंगली महाराज रोड (जेएम रोड), बाणेर, औंध, वारजे, शिवाजीनगर यांसारख्या भागांमध्ये अवघ्या अर्ध्या तासात घोट्यापर्यंत पाणी साचले. काही वाहनचालकांना मोठ्या अडचणींना सामोरे जावे लागले. पुणे वेधशाळेने वर्तवलेला अवकाळी पावसाचा अंदाज खरा ठरला.
शहरातील स्टॉर्म वॉटर ड्रेनेज व्यवस्था अपुरी असल्याचे पुन्हा स्पष्ट झाले आहे. जुन्या भागांमध्ये केवळ सुमारे १६% पावसाळी वाहिन्या उपलब्ध असल्याने पावसाचे पाणी योग्य वेगाने निचरा होत नाही. परिणामी अनेक भागांत पूरसदृश परिस्थिती निर्माण होते.
Pune Municipal Corporation (पीएमसी) कडून नाले आणि पावसाळी गटारांची सफाई सुरू आहे
पीसीएमसी क्षेत्रातही तीच समस्या
पिंपरी-चिंचवड परिसरातही परिस्थिती फार वेगळी नव्हती.
Pimpri-Chinchwad Municipal Corporation (पीसीएमसी) हद्दीतही अनेक ठिकाणी पाणी साचल्याच्या तक्रारी आल्या. विशेषतः निगडी, आकुर्डी, चिंचवड आणि वाकड भागात वाहतूक विस्कळीत झाली. यावरून दोन्ही महापालिकांच्या पावसाळी तयारीवर प्रश्नचिन्ह निर्माण झाले आहे.
नागरिकांनीही नाल्यात कचरा टाकणे टाळणे गरजेचे आहे. पावसाळ्यापूर्वी ठोस उपाययोजना न झाल्यास यंदाही मोठा त्रास सहन करावा लागू शकतो.
: अवकाळी पावसाने पुण्यातील पायाभूत सुविधांची परीक्षा घेतली असून, येणाऱ्या पावसाळ्यापूर्वी प्रशासनाने आणि नागरिकांनीही सज्ज होण्याची गरज अधोरेखित झाली आहे.
प्रतिनिधी उमेश कुलकर्णी
9822548429
