भोंदू खरातशी संबंध असलेले जितेंद्र शेळके व पत्नीचा समृद्धी महामार्गावर भीषण अपघातात मृत्य, मुलगा गंभीर जखमी
भोंदू खरातशी संबंध असलेले जितेंद्र शेळके व पत्नीचा समृद्धी महामार्गावर भीषण अपघातात मृत्य, मुलगा गंभीर जखमी
अहिल्यानगर | प्रतिनिधी
समृद्धी महामार्गावर आज सकाळी घडलेल्या भीषण अपघातात शिवनिका ट्रस्टचे उपाध्यक्ष जितेंद्र शेळके आणि त्यांच्या पत्नी अनुराधा शेळके यांचा जागीच मृत्यू झाला. या दुर्घटनेत त्यांचा मुलगा गंभीर जखमी झाला असून त्याच्यावर रुग्णालयात उपचार सुरू आहेत.
अपघाताची माहिती
अहिल्यानगर जिल्ह्यातील समृद्धी महामार्गावरील धोत्रे गावाजवळ ही दुर्घटना घडली. शेळके कुटुंबीयांची कार रस्त्याच्या कडेला उभ्या असलेल्या कंटेनरला पाठीमागून जोरात धडकली. धडकेची तीव्रता इतकी होती की कारचा पुढील भाग कंटेनरखाली अडकला, ज्यामुळे पती-पत्नीचा जागीच मृत्यू झाला.
तपासातील महत्त्वाचे मुद्दे
भोंदू बाबाशी संबंध: जितेंद्र शेळके हे कथित भोंदू बाबा अशोक खरात यांचे निकटवर्तीय असल्याची माहिती समोर आली आहे.
खरात यांच्या अटकेनंतर शेळके मानसिक तणावात असल्याचे बोलले जात आहे.
शेळके यांच्या लॉन्स व्यवसायात खरात यांची भागीदारी असल्याची चर्चा आहे.
या अपघातामागे केवळ निष्काळजीपणा आहे की अन्य काही कारण, याबाबत विविध तर्क-वितर्क व्यक्त होत आहेत. पोलिसांनी सर्व शक्यता गृहित धरून तपास सुरू केला आहे.
समृद्धी महामार्गावरील सुरक्षेचा प्रश्न या घटनेनंतर पुन्हा एकदा ऐरणीवर आला असून, या प्रकरणाचा सखोल तपास सुरू आहे.
प्रतिनिधी उमेश कुलकर्णी पुणे
