🔥 नेवासा नगरपंचायतीच्या मुख्य बाजारपेठेत भीषण आग; ७ दुकाने राखेत 🔥

🔥 नेवासा नगरपंचायतीच्या मुख्य बाजारपेठेत भीषण आग; ७ दुकाने राखेत 🔥

नेवासा नगरपंचायत चौकातील मुख्य बाजारपेठेत बुधवारी (२० नोव्हेंबर) रात्री सुमारे पावणे दहाच्या सुमारास मोठी आग लागून भीषण नुकसान झाले. बाजारपेठेतील एकामागून एक अशी सात दुकाने जळून खाक झाली असून शेजारील दुकानांनाही आगीचा मोठा फटका बसला आहे.

अचानक भडकल्यामुळे व्यापारी व नागरिकांमध्ये एकच गोंधळ उडाला. आग नियंत्रणात आणण्यासाठी अग्निशामक दलाच्या गाड्यांनी तातडीने धाव घेतली. काही तासांच्या प्रयासानंतर आग आटोक्यात आली, मात्र तोपर्यंत लाखो रुपयांचे आर्थिक नुकसान झाल्याची प्राथमिक माहिती मिळत आहे.

आगीचे कारण अद्याप स्पष्ट झाले नसून पोलिस व अग्निशमन विभागाने पंचनामा सुरू केला आहे. या घटनेमुळे परिसरातील व्यापाऱ्यांमध्ये चिंता व हळहळ व्यक्त होत आहे.

प्रतिनिधी: शाम शिरसाठ