🛑 इंदोरीकर महाराजांनी कीर्तन सोडण्याचे संकेत दिले!

🛑 इंदोरीकर महाराजांनी कीर्तन सोडण्याचे संकेत दिले!

इंदोरीकर महाराज यांनी आपल्या अलीकडील कीर्तनामध्ये भावनिक सूर लावत कीर्तन सोडण्याचे संकेत दिले आहेत. त्यांच्या मुलीच्या साखरपुड्यानंतर सोशल मीडियावर झालेल्या टीकेमुळे ते व्यथित झाले असून त्यांनी स्पष्ट सांगितले की, “ही टीका सहन करण्यासारखी नाही.”

साखरपुड्याच्या कार्यक्रमातील खर्च आणि थाटमाट यावरून अनेकांनी महाराजांवर उपदेशांच्या विरोधात वागल्याचा आरोप केला. विशेषतः त्यांच्या मुलीच्या पेहरावावरून झालेल्या सोशल मीडिया ट्रोलिंगमुळे महाराज मनोमन खचले आहेत.

महाराजांनी कीर्तनात भावनिक होत ट्रोलर्सना थेट प्रश्न विचारला — “माझ्या मुलीचा काय दोष? मी वाईट काय केलं?”

या वक्तव्यानंतर वारकरी संप्रदायात चिंता आणि आश्चर्याचे वातावरण निर्माण झाले आहे. भक्तवर्ग आणि अनुयायी मात्र महाराजांनी कीर्तन सोडू नये, अशी मोठ्या प्रमाणावर मागणी करत आहेत.

प्रतिनिधी उमेश कुलकर्णी पुणे