📰 लाल किल्ला मेट्रो स्टेशनजवळ भीषण स्फोट; ८ ठार, अनेक जखमी

📰 लाल किल्ला मेट्रो स्टेशनजवळ भीषण स्फोट; ८ ठार, अनेक जखमी

दिल्लीतील लाल किल्ला मेट्रो स्टेशनच्या जवळ आज सायंकाळी सुमारे ६:५५ वाजता एका कारमध्ये जोरदार स्फोट झाला. या भीषण घटनेमुळे कारला पूर्णपणे आग लागली, तसेच जवळील ३ ते ४ वाहनेही या आगेमुळे जळून खाक झाली.

या स्फोटात ८ जणांचा मृत्यू झाला असून अनेक जण गंभीर जखमी झाले आहेत. परिसरात प्रचंड गोंधळ उडाला असून, दिल्ली पोलिसांनी घटनास्थळ पूर्णपणे सील केले आहे. तपासासाठी राष्ट्रीय सुरक्षा गार्ड (NSG) आणि फॉरेन्सिक तज्ञांची टीम घटनास्थळी दाखल झाली आहे.

स्फोटाचे नेमके कारण अद्याप स्पष्ट झालेले नाही. प्राथमिक तपासात कारमध्ये विस्फोटक पदार्थ होता का, याची चौकशी सुरू आहे. या घटनेनंतर दिल्लीमध्ये उच्च सुरक्षा अलर्ट घोषित करण्यात आला आहे.

मृतदेहांना लोक नायक जयप्रकाश नारायण (LNJP) रुग्णालयात हलवण्यात आले असून, जखमींवर उपचार सुरू आहेत.

या भीषण घटनेनंतर संपूर्ण दिल्लीत दहशतीचे वातावरण निर्माण झाले असून, तपास यंत्रणा सतर्क झाल्या आहेत. या घटनेनंतर मुंबईसह अनेक महत्त्वाच्या शहरात हाय अलर्ट जारी केला आहे

प्रतिनिधी उमेश कुलकर्णी