🕊️ ज्येष्ठ अभिनेत्री दया डोंगरे यांचे निधन; मराठी कलाविश्वात शोककळा

🕊️ ज्येष्ठ अभिनेत्री दया डोंगरे यांचे निधन; मराठी कलाविश्वात शोककळा

प्रतिनिधी : उमेश कुलकर्णी, पुणे

मुंबई :
मराठी रंगभूमी, चित्रपट आणि दूरदर्शन क्षेत्रातील ज्येष्ठ अभिनेत्री दया डोंगरे यांचे वृद्धापकाळाने निधन झाले असून, त्यांच्या जाण्याने मराठी कलाविश्वात शोककळा पसरली आहे.

दया डोंगरे यांनी आपल्या दमदार अभिनयाने प्रेक्षकांच्या मनावर अमिट ठसा उमटवला.
‘गजरा’, ‘चार दिवस सासूचे’, ‘खट्याळ सासू नाठाळ सून’, ‘नवरी मिळे नवऱ्याला’, ‘नकाब’, ‘लालची’, आणि ‘कुलदीपक’ अशा चित्रपट व मालिकांमधील त्यांच्या भूमिका विशेष गाजल्या.

११ मार्च १९४० रोजी अमरावती येथे जन्मलेल्या दया डोंगरे यांचे बालपण धारवाड आणि पुणे येथे गेले. सुरुवातीला त्यांनी गायन क्षेत्रात नाव कमावले, मात्र नंतर रंगभूमीकडे वळत त्यांनी अनेक गाजलेली नाटके साकारली —
‘लेकुरे उंदड जाली’, ‘अखेरचा सवाल’, ‘माता द्रौपदी’, ‘संकेत मीलनाचा’, आणि ‘रायगडाला जेव्हा जाग येते’ ही त्यातील काही ठळक नावे.

त्यांचा कराडा आवाज, डोळ्यांतील जरब आणि साधेपणा यामुळे त्या मराठी रंगभूमीवरील एक वेगळी ओळख बनल्या.
त्यांच्या जाण्याने मराठी चित्रपटसृष्टी आणि नाट्यविश्वात मोठी पोकळी निर्माण झाली आहे.

💐 त्यांच्या आत्म्यास शांती लाभो — हीच खरी श्रद्धांजली