📰 पुण्यातील जैन ट्रस्ट–गोखले बिल्डर वादग्रस्त जमीन व्यवहार रद्द पुणे :

📰 पुण्यातील जैन ट्रस्ट–गोखले बिल्डर वादग्रस्त जमीन व्यवहार रद्द

पुणे :
पुण्यातील जैन ट्रस्ट आणि गोखले बिल्डर यांच्यातील वादग्रस्त जमीन व्यवहारावर अखेर धर्मदाय आयुक्तांनी निर्णायक कारवाई केली आहे. सखोल चौकशीनंतर धर्मदाय आयुक्त कार्यालयाने हा व्यवहार कायमस्वरूपी रद्द करण्याचे आदेश दिले आहेत.
जैन ट्रस्टच्या मालकीच्या जमिनीच्या व्यवहारात गोखले बिल्डर यांच्या सहभागाबाबत तक्रार प्राप्त झाल्यानंतर धर्मदाय आयुक्तांनी चौकशी सुरू केली होती. काही दिवसांपूर्वी ही चौकशी पूर्ण झाल्यानंतर व्यवहाराला स्थगिती देण्याचे निर्देश देण्यात आले होते. त्यानंतर आता या व्यवहारावर पूर्ण बंदी घालण्यात आली आहे.

या आदेशानुसार जैन ट्रस्ट आणि गोखले बिल्डर यांच्यातील सर्व प्रकारचे जमीन व्यवहार अमान्य ठरणार आहेत.

स्थानिक नागरिकांनी या निर्णयाचे स्वागत करत समाधान व्यक्त केले आहे. “सरकारी पातळीवर चौकशी होऊन योग्य तो निर्णय झाल्याने कायदा आणि सुव्यवस्थेला बाधा येणार नाही,” अशी प्रतिक्रिया स्थानिकांनी दिली.

धर्मदाय आयुक्तांच्या या निर्णायक कारवाईमुळे पुण्यातील जैन ट्रस्ट–गोखले बिल्डर जमीन व्यवहार प्रकरणाला आता पूर्णविराम मिळाला आहे.