🏏 नेवासाचा अभिमान — ओम पवार व अस्मिता पवार यांचे क्रिकेटमधील यश

नेवासा (प्रतिनिधी):

नेवासा तालुक्यातील क्रीडाक्षेत्राला उजाळा देणारी आनंदाची बातमी! नेवासातील प्रतिभावान क्रिकेटपटू ओम संभाजी पवार याची अंडर-14 जिल्हा क्रिकेट संघात निवड झाली आहे. आपल्या उत्कृष्ट फलंदाजी व सर्वांगीण खेळामुळे ओमने निवड समितीचे लक्ष वेधून घेतले आहे.

दोन वर्षांपूर्वी महाराष्ट्र क्रिकेट असोसिएशनच्या स्पर्धेत त्याची ‘महाराष्ट्र स्पीड स्टार’ मध्ये निवड झाली होती. त्या वेळी त्याला पुणे येथील गहूंजे इंटरनॅशनल स्टेडियमवर गोलंदाजी करण्याची संधी मिळाली होती तसेच महाराष्ट्र क्रिकेट असोसिएशनच्या प्रशिक्षकांचे मार्गदर्शनही लाभले होते.

दरम्यान, ओमची बहिण अस्मिता पवार हिने नाशिक येथे झालेल्या आंतरजिल्हा क्रिकेट स्पर्धेत प्रभावी कामगिरी करत प्रतिस्पर्धी संघातील पाच फलंदाजांना बाद केले. तिच्या अचूक लाइन-लेंथ व आक्रमक गोलंदाजीमुळे तिचं विशेष कौतुक होत आहे.

या दोन्ही भावंडांच्या कामगिरीमुळे नेवासा तालुक्यात अभिमानाचे व आनंदाचे वातावरण आहे. स्थानिक क्रीडा रसिकांनी त्यांच्या पुढील वाटचालीस शुभेच्छा दिल्या आहेत.

ओम आणि अस्मिता हे अॅडव्होकेट संभाजी पवार यांची अपत्ये आहेत. अस्मिता ही ज्ञानेश्वर महाविद्यालय, नेवासा येथे बारावी (सायन्स) शिक्षण घेत असून ओम हा ज्ञानदीप इंग्लिश मीडियम स्कूल, नेवासा येथे नववीचा विद्यार्थी आहे.

त्यांच्या या यशाबद्दल पालकमंत्री नामदार राधाकृष्ण विखे पाटील, आ. विठ्ठलराव लंघे, महाराष्ट्र क्रिकेट असोसिएशनचे अध्यक्ष आ. रोहीत पवार, खासदार सुजयदादा विखे पाटील, आ. संग्राम जगताप, पंचगंगा उद्योगसमूहाचे प्रमुख प्रभाकर शिंदे, पं.स. उपसभापती किशोर जोजार, बाळासाहेब भदगले पाटील, अशोक मोरे, नितीन औताडे, बाळासाहेब पवार, अॅड. अंबाडे, अॅड. अशोक करडक, पत्रकार बाळासाहेब देवखिळे, पत्रकार नानासाहेब पवार, जि.प. सदस्य दिलीप वाकचौरे, डॉ. करणसिंह घुले, अॅड. गणेश गोंडाळ, अजय कवीटकर सर आदी मान्यवरांनी दोघांचे हार्दिक अभिनंदन केले आहे.

ओम पवार यास सुदर्शन क्रिकेट अकादमीचे इम्रान पठाण सर, तर अस्मिता पवार हिला एस.व्ही. नेट क्रिकेट अकादमीचे शशिकांत निऱ्हाळी सर व सुदर्शन क्रिकेट अकादमीचे इम्रान पठाण सर यांचे मार्गदर्शन लाभले आहे.

प्रतिनिधी – शाम शिरसाट