🐆 शिंगणापूरमध्ये बिबट्याचा हल्ला; आईच्या धाडसाने पाच वर्षीय दिव्याश पवारचा जीव वाचला

🐆 शिंगणापूरमध्ये बिबट्याचा हल्ला; आईच्या धाडसाने पाच वर्षीय दिव्याश पवारचा जीव वाचला

कोपरगाव, ता. २२ ऑक्टोबर:
कोपरगाव तालुक्यातील शिंगणापूर गावात दिव्याश पवार (वय ५) या चिमुकल्यावर बिबट्याने अचानक हल्ला केला. दिव्याश घराच्या अंगणात खेळत असताना बिबट्याने त्याच्यावर झडप घातली.

आई मंदा पवार यांनी प्रसंगावधान राखून जीवाचा धोका पत्करला. त्यांनी धाडसाने बिबट्याच्या शेपटीला पकडले आणि जोरदार आरडाओरड केली. त्यांच्या या शौर्यामुळे बिबट्या घाबरून मागे हटला आणि मुलाचा जीव वाचला. सध्या दिव्याशवर रुग्णालयात उपचार सुरू आहेत.घटनेनंतर शिंगणापूर गावात भीतीचे वातावरण निर्माण झाले आहे. ग्रामस्थांनी वनविभागाकडे त्वरित उपाययोजना करण्याची आणि गावात सुरक्षिततेसाठी पिंजरे बसवण्याची मागणी केली आहे. वनविभागाने घटनेची नोंद घेतली असून परिसरात गस्त वाढवण्यात आली आहे.

प्रतिनिधी उमेश कुलकर्णी पुणे