🕉️ झुंजार हिंदुत्वनिष्ठ नेते श्री. आनंदजी दवे यांना “क्रांतिवीर वसंतदादा बडवे हिंदुत्व शौर्य पुरस्कार”

🕉️ झुंजार हिंदुत्वनिष्ठ नेते श्री. आनंदजी दवे यांना “क्रांतिवीर वसंतदादा बडवे हिंदुत्व शौर्य पुरस्कार”

पंढरपूर :
कळविण्यास अत्यंत आनंद होतो की महाराष्ट्रातील नामांकित “क्रांतिवीर वसंतदादा बडवे हिंदुत्व शौर्य पुरस्कार” यावर्षी पुण्याचे झुंजार हिंदुत्वनिष्ठ नेते श्री. आनंदजी दवे यांना प्रदान करण्यात येणार आहे.

पंढरपुरातील सशस्त्र क्रांतिकारक, गोवा मुक्ती वीर, हैद्राबाद सत्याग्रही, कट्टर सावरकरवादी आणि समाजसुधारक क्रांतीवीर वसंतदादा बडवे यांच्या पुण्यस्मरणानिमित्त हा पुरस्कार दरवर्षी दिला जातो. आजवर हा पुरस्कार एस. एल. भैरप्पा, मिलिंद एकबोटे, शरद पोंक्षे, बंडातात्या कराडकर, हिरामण गवळी, प्रमोद मुतालिक, हिमानी सावरकर, अभय वर्तक, धनंजय देसाई, संजीव पुनाळेकर आदी अनेक महनीय व्यक्तींना मिळाला आहे.

या सन्मानात अकरा सहस्त्र रुपयांची रोख रक्कम, सन्मानपत्र आणि कु़ंडलिनी कृपाणांकित हिन्दुध्वज यांचा समावेश आहे. श्री. विठ्ठल मंदिराशेजारील कै. वसंतदादा बडवे यांच्या पुतळ्यापाशी, साधूसंतांच्या उपस्थितीत आणि श्री. विठ्ठलाच्या कृपेच्या साक्षीने हा सन्मान सोहळा दरवर्षी पार पडतो.

यावर्षीचा कार्यक्रम दि. १९ ऑक्टोबर २०२५ रोजी, सायं. ७ वाजता, क्रांतिवीर वसंतदादा बडवे पुतळा, रुक्मिणी पटागण, पंढरपूर येथे होणार असून, देशप्रेमी नागरिकांनी उपस्थित राहावे, असे हिंदू महासभा आणि क्रांतिवीर बडवे ट्रस्ट तर्फे श्री. अभयसिंह इचगांवकर, विकास मोरे, विवेक बेणारे, महेश खिस्ते, प्रशांत खंडागळे, रामसखा बडवेकाका आदींनी आवाहन केले आहे.

श्री. आनंदजी दवे यांनी ब्राह्मण महासंघ आणि हिंदू महासंघ या माध्यमांतून अनेक क्रांतिकारी आंदोलने नेतृत्वात आणली आहेत तसेच विविध टीव्ही चर्चांमधून हिंदुत्ववादी विचार प्रभावीपणे मांडले आहेत. त्यामुळे त्यांच्या या सन्मानाबद्दल समाजात आणि जनतेत उत्सुकता वाढली आहे.

प्रतिनिधी उमेश कुलकर्णी पुणे
9822548429