📰 ३९ वी जिल्हा क्रीडा स्पर्धा – २०२५ : सांगता समारंभ उत्साहात पार पडला, खडकी मुख्यालयाचा दबदबा, तेजस कारले व प्रीती मुंगसे बेस्ट ऍथलेटिक्स

📰 ३९ वी जिल्हा क्रीडा स्पर्धा – २०२५ : सांगता समारंभ उत्साहात पार पडला,
खडकी मुख्यालयाचा दबदबा, तेजस कारले व प्रीती मुंगसे बेस्ट ऍथलेटिक्स

पुणे – दिनांक २४ ते २६ सप्टेंबर २०२५ या कालावधीत पुणे विभागात ३९ वी जिल्हा क्रीडा स्पर्धा जोशपूर्ण वातावरणात संपन्न झाली. या क्रीडा स्पर्धेचा सांगता समारंभ माननीय श्रीमती अश्विनी सानप, पुणे लोहमार्ग पोलीस अधीक्षक यांच्या अध्यक्षतेखाली पार पडला.

कार्यक्रमास श्री रोहिदास पवार (अप्पर पोलीस अधीक्षक, लोहमार्ग पुणे), श्री मनोज यादव (पोलीस उपअधीक्षक, गृह), श्री पायगुडे (SDPO, पुणे), PI गायकवाड, श्रीमती जेधे, श्रीमती आढाव, श्रीमती जाधव, श्री भगवान टोणे (राखीव पोलीस निरीक्षक, मुख्यालय खडकी), श्री किशोर कुमार टेंभुर्णे (राखीव पोलीस उपनिरीक्षक), API अंतरकर, श्रीमती नरके, श्रीमती जगताप, अन्य अधिकारी उपस्थित होते.

कार्यक्रमाची सुरुवात वाद्यवृंद पोलीस पथकाच्या मानवंदनेने झाली.
पुणे विभाग सोलापूर विभाग व मुख्यालय विभाग या तीन संघाचे संचलन प्रमुख श्री किशोर कुमार टेंभुर्णे (राखीव पोलीस उपनिरीक्षक) यांनी केले तिनही संघाने सुंदर असे संचलन करून माननीय पोलीस अधीक्षक यांना मानवंदना दिली. संचलन प्रमुखांची कार्य विशेष उल्लेखनीय ठरले

कार्यक्रमाचे प्रास्ताविक भाषण श्री मनोज यादव यांनी केले, तर आभार प्रदर्शन श्रीमती जेधे यांनी केले. सूत्रसंचालन महिला पोलीस अंमलदार पुनम खंकाळे यांनी केले.

तिन्ही संघांच्या खेळाडूंनी उत्कृष्ट कामगिरी करून पारितोषिके पटकावली. बेस्ट ॲथलेटिक्स पुरुष खेळाडू तेजस कारले (बक्कल क्र. 527, मुख्यालय खडकी) व महिला खेळाडू प्रीती मुंगसे (बक्कल क्र. 1474, मुख्यालय खडकी) यांना सायकल भेट देऊन गौरविण्यात आले. तसेच जनरल चॅम्पियनशिपचे पारितोषिक मुख्यालय खडकी संघाने पटकावले.

या स्पर्धा यशस्वी पार पाडण्यासाठी श्री भगवान टोणे (राखीव पोलीस निरीक्षक) व श्री किशोर कुमार टेंभुर्णे (राखीव पोलीस उपनिरीक्षक) यांच्या मार्गदर्शनाखाली प्रकाश सपकाळ (पोलीस उपनिरीक्षक), रमाकांत कारले (सहाय्यक पोलीस फौजदार), दीपक दिवार, बाळू दुगाने, मिलिंद लोणारे (पोलीस हवालदार), इम्तियाज आवटी, इम्राहीम अरभावी, मधुकर अहिरे, संजय धाकतोडे , राजू पवार, आबासाहेब भालेराव यांनी परिश्रम घेतले.

माननीय अध्यक्ष यांनी खेळाडूंना शुभेच्छा देताना सांगितले की, अशा स्पर्धांमुळे तरुणांमध्ये शिस्त, आत्मविश्वास आणि स्पर्धात्मक वृत्ती वृद्धिंगत होते.

प्रतिनिधी उमेश कुलकर्णी पुणे

9822548429