📰 थेरगावमध्ये कचरा व्यवस्थापनाची दयनीय अवस्था – नागरिक त्रस्त, ‘कुंडी युक्त योजना’ची मागणी

📰 थेरगावमध्ये कचरा व्यवस्थापनाची दयनीय अवस्था – नागरिक त्रस्त, ‘कुंडी युक्त योजना’ची मागणी

पिंपरी चिंचवड थेरगाव :
थेरगाव परिसरात कचरा व्यवस्थापनाचा बोजवारा उडाल्याने नागरिकांची प्रचंड गैरसोय होत आहे. नगरपालिकेकडून गाड्या दररोज कचरा उचलण्यासाठी येतात, मग रस्त्यावर कचरा का फेकला जातो. मात्र गाड्या खरंच रोजच्या रोज प्रत्येक कॉलनीत येतात का, वेळेवर पोहोचतात का याबाबत मोठा प्रश्नचिन्ह आहे

📌 सध्याची अडचण

गाडी अनेकदा वेळेवर येत नाही.

गाडी भरून आल्याने ठराविक भागातीलच कचरा उचलला जातो.

गाडी न आल्यास नागरिकांकडे पर्याय नसल्याने रस्त्यावर कचरा टाकला जातो.

थर्माकोल, गाद्या, जुने फर्निचर अशा मोठ्या वस्तू गाडी उचलत नसल्याने तो कचरा सरळ रस्त्यावर टाकला जातो.

कामगार वर्गाला गाडीची वेळ जुळत नाही; त्यामुळे अनेकदा लोक गाड्यांवरून जाताना किंवा वाहनातूनच कचरा रस्त्यावर फेकतात.

📌 नागरिकांची मागणी

फक्त “कुंडी मुक्त योजना” नव्हे, तर “कुंडी युक्त योजना” त्वरित राबवावी.

गाडी + ठराविक ठिकाणी कचरा कुंडी अशी दुहेरी पद्धत सुरू करावी.

मोठ्या कचऱ्यासाठी स्वतंत्र “बल्क वेस्ट कलेक्शन सर्व्हिस” सुरु करावी.

गाड्यांच्या फेऱ्यांची नोंद व जीपीएस माहिती पारदर्शक करावी.

📌 स्थानिकांचा सूर
“वीस वर्षांपूर्वी ठराविक ठिकाणी कचरा कुंड्या होत्या. लोक तिथेच कचरा टाकायचे आणि गाडी येऊन उचलायची. त्यामुळे रस्त्यावर कचरा साचलेला दिसत नसे. पण आता गाडीवरच अवलंबून राहिल्याने लोक रस्त्यावर कचरा टाकतात,” असे नागरिक सांगतात.

थेरगावमध्ये ‘स्वच्छ भारत अभियान’ फक्त घोषणांपुरते न राहता यशस्वी करायचे असेल, तर नागरिकांच्या सोयीसाठी कुंडी युक्त, पारदर्शक आणि जबाबदार कचरा व्यवस्थापन त्वरित राबवणे आवश्यक असल्याची मागणी होत आहे.

प्रतिनिधी उमेश कुलकर्णी पुणे
9822548429