📰 ३९ वी जिल्हा क्रीडा स्पर्धा खडकी येथे उत्साहात सुरू

📰 ३९ वी जिल्हा क्रीडा स्पर्धा खडकी येथे उत्साहात सुरू

पुणे : ३९ वी जिल्हा क्रीडा स्पर्धा दिनांक २४ सप्टेंबर २०२५ रोजी मुख्यालय खडकी येथे मोठ्या उत्साहात सुरू करण्यात आल्या. या स्पर्धेचा शुभारंभ मा. श्रीमती अश्विनी सानप (पोलीस अधीक्षक) तसेच मा. श्री रोहिदास पवार (अप्पर पोलीस अधीक्षक, लोहमार्ग पुणे) यांच्या मार्गदर्शनाखाली झाला.

औपचारिक उद्घाटन सोहळा शिवाजीनगर पोलिस मैदान येथे सकाळी ७.०० वाजता पार पडला. उद्घाटनाचे मानकरी मा. श्री मनोज यादव (पोलीस उप अधीक्षक, गृह) होते. या वेळी श्री. भगवान टोने (राखीव पोलिस निरीक्षक) आणि श्री. किशोरकुमार टेंभुर्णे (राखीव पोलिस उपनिरीक्षक) यांचीही उपस्थिती होती.

स्पर्धेत ॲथलेटिक्समधील २०० मीटर धावणे, ४०० मीटर धावणे, लांब उडी, थाळी फेक, गोळा फेक व ४×१०० मीटर रिले अशा विविध प्रकारच्या स्पर्धा पार पडल्या.

यामध्ये पुरुष गटात पोलीस शिपाई तेजस कारले (बक्कल क्रमांक ५२७) यांनी तर महिला गटात पोलीस शिपाई प्रीती मुंगसे (बक्कल क्रमांक १४७४) यांनी उत्कृष्ट कामगिरी करत सर्वांचे लक्ष वेधून घेतले.

तसेच सदर स्पर्धेकरिता मा. श्री डॉ. खरात (वैद्यकीय अधिकारी, लोहमार्ग पोलीस मुख्यालय खडकी) व त्यांचा वैद्यकीय स्टाफ उपस्थित होता.

या स्पर्धा यशस्वीपणे पार पडाव्यात याकरिता पोलीस उपनिरीक्षक प्रकाश सपकाळ, सहाय्यक पोलीस फौजदार रमाकांत कारले, दीपक धीवार, बाळासाहेब दुगाने, पोलीस हवालदार इम्तियाज आवटी, इब्राहिम अरभावी, आबासाहेब भालेराव, संजय धाकतोडे, मधुकर अहिरे, मिलिंद लोणारे यांनी परिश्रम घेतले.

👉 ही स्पर्धा पोलिस दलातील खेळाडूंसाठी आपली क्रीडाक्षमता दाखवण्याची उत्तम संधी असून पुढील काही दिवस विविध स्पर्धा खडकी येथील मैदानांवर रंगणार आहेत.

✍️ प्रतिनिधी : उमेश कुलकर्णी, पुणे
📞 9822548429