📰 बीड-अहिल्यानगर रेल्वेसेवेचा भव्य शुभारंभ

📰 बीड-अहिल्यानगर रेल्वेसेवेचा भव्य शुभारंभ

मराठवाड्याच्या विकासाच्या दिशेने ऐतिहासिक पाऊल उचलत आज, १७ सप्टेंबर २०२५ रोजी मराठवाडा मुक्ती संग्राम दिनाच्या निमित्ताने बीड-अहिल्यानगर रेल्वेसेवेचा शुभारंभ झाला. या उद्घाटन सोहळ्यास मुख्यमंत्री देवेंद्र फडणवीस, उपमुख्यमंत्री अजित पवार प्रत्यक्ष उपस्थित होते, तर पंतप्रधान नरेंद्र मोदी यांनी ऑनलाइन सहभाग घेतला. जिल्ह्यातील सर्वच लोकप्रतिनिधी या प्रसंगी एकत्र आले होते.

गेल्या ४० वर्षांचा संघर्ष, नागरिकांची आंदोलने आणि सततचा पाठपुरावा यामुळे अखेर बीड जिल्ह्यात रेल्वेसेवेचे स्वप्न साकार झाले. नव्याने सुरू झालेल्या या मार्गावरून बीड ते अहिल्यानगर (माजी अहमदनगर) असा १६७ किमी प्रवास सुमारे ५ तास ३० मिनिटांत पूर्ण होईल. मार्गावर एकूण १६ स्थानकांवर थांबे असतील.

पहिल्या टप्प्यात बीडच्या पालवण चौकात उभारलेले नवीन रेल्वे स्थानक प्रवाशांच्या स्वागतासाठी सज्ज करण्यात आले आहे. या रेल्वेमार्गामुळे बीड जिल्ह्याचा थेट महाराष्ट्रातील विविध मोठ्या शहरांशी संपर्क होणार असून, व्यापार, शिक्षण, उद्योग आणि शेती क्षेत्राला नवी गती मिळणार आहे.

या ऐतिहासिक क्षणाने संपूर्ण जिल्ह्यात आनंदाचे वातावरण असून, नागरिक, व्यापारी, विद्यार्थी आणि शेतकरी वर्गाने रेल्वेसेवेचे जल्लोषात स्वागत केले.

✨ १७ सप्टेंबर २०२५ — बीडकरांचे स्वप्न साकार! ✨

प्रतिनिधी उमेश कुलकर्णी पुणे
9822548429