हर्षवर्धन सपकाळ यांच्याविरुद्ध गुन्हा; छत्रपती शिवरायांची टीपू सुलतानाशी तुलना करणाऱ्या विधानाने पुण्यात आंदोलनाची ठिणगी
हर्षवर्धन सपकाळ यांच्याविरुद्ध गुन्हा; छत्रपती शिवरायांची टीपू सुलतानाशी तुलना करणाऱ्या विधानाने पुण्यात आंदोलनाची ठिणगी
पुणे, १५ फेब्रुवारी २०२६: काँग्रेस नेते हर्षवर्धन सपकाळ यांच्याविरुद्ध छत्रपती शिवाजी महाराजांची तुलना टीपू सुलतानाशी केल्याबद्दल पुण्यातील पर्वती पोलिस स्टेशनमध्ये गुन्हा दाखल झाला. या विधानामुळे राजकीय वातावरण तापले असून, विविध संघटना आणि पक्षीय कार्यकर्त्यांनी तीव्र संताप व्यक्त केला आहे.सपकाळ यांच्या वक्तव्याबाबत तक्रारदारांनी ऐतिहासिक भावना दुखावल्याचा दावा केला असून, पोलिसांनी संबंधित कलमानुसार गुन्हा नोंदवला व तपास सुरू केला आहे. दरम्यान, काँग्रेस भवनासमोर आंदोलकांनी निषेध व्यक्त करत सपकाळ यांनी माफी मागावी व कठोर कारवाई व्हावी, अशी मागणी केली.राजकीय पातळीवरही हे प्रकरण चर्चेत आले आहे. मुख्यमंत्री देवेंद्र फडणवीस यांनी या विधानाचा निषेध करत इतिहासाबाबत संवेदनशीलता राखण्याचे आवाहन केले. राज्यातील इतर नेत्यांनीही प्रतिक्रिया दिल्या असून, पुढील कायदेशीर कारवाईकडे सर्वांचे लक्ष लागले आहे.
प्रतिनिधी उमेश कुलकर्णी पुणे
