🗳️ राज्य निवडणूक आयोगाची आज पत्रकार परिषद; आजपासून आचारसंहिता लागण्याची शक्यता..!

मुंबई: प्रतिनिधी: महाराष्ट्रात स्थानिक स्वराज्य संस्थांच्या निवडणुकांचा बिगुल वाजण्याची चिन्हे स्पष्ट दिसत आहेत. राज्य निवडणूक आयोगाची आज दुपारी पत्रकार परिषद होणार असून, या परिषदेत निवडणुकींचा कार्यक्रम जाहीर होण्याची दाट शक्यता आहे.

संबंधित सूत्रांकडून मिळालेल्या माहितीनुसार, आचारसंहिता आजपासूनच लागू होण्याची शक्यता आहे. त्यामुळे स्थानिक स्वराज्य संस्था, जिल्हा परिषद, पंचायत समिती तसेच नगरपरिषदा आणि महानगरपालिका निवडणुकांच्या तयारीला आता वेग येणार आहे.

निवडणूक आयोगाकडून मतदार यादी, प्रभाग रचना आणि आरक्षणासंदर्भातील प्रक्रिया पूर्ण करण्यात आली आहे. त्यामुळे निवडणूक जाहीर होण्यास आता कोणताही अडथळा शिल्लक नाही, अशी माहिती प्रशासनातील सूत्रांनी दिली आहे.

राज्यातील राजकीय वातावरण आधीच तापले असून, आज होणाऱ्या या पत्रकार परिषदेकडे सर्व पक्षांचे नेते आणि कार्यकर्त्यांचे लक्ष लागले आहे.

प्रतिनिधी : शाम शिरसाट