📰 नाशिक – निरंजन टकले यांच्या वक्तव्याविरोधात हिंदू महासभा व सकल हिंदू समाजाची पोलीस ठाण्यात तक्रार

📰 नाशिक – निरंजन टकले यांच्या वक्तव्याविरोधात हिंदू महासभा व सकल हिंदू समाजाची पोलीस ठाण्यात तक्रार

नाशिक :
निरंजन टकले यांनी साधू–संत, हिंदू धर्म, सनातन परंपरा तसेच नाशिक शहरात कथित मोठ्या प्रमाणात गांजा येतो या संदर्भात केलेल्या विधानांवर सकल हिंदू समाज आणि हिंदू महासभेतर्फे आज पंचवटी पोलीस स्टेशनमध्ये औपचारिक तक्रार दाखल करण्यात आली.

टकले यांची पर्यावरण आणि वृक्षतोड यावरील मते मान्य असली, तरी धर्म, साधू–संत आणि सनातन परंपरांवर केलेली विधाने “बिनबुडाची, दिशाभूल करणारी आणि समाजात तणाव निर्माण करणारी” असल्याचा आरोप तक्रारकर्त्यांनी केला आहे.

शहरात “पाच–दहा टन गांजा ट्रक भरून येतो” या टकले यांच्या दाव्यामुळे पोलिसांचा प्रतिष्ठेवर प्रश्नचिन्ह निर्माण होत असल्याचेही तक्रारीत नमूद आहे. जर अशी गंभीर माहिती त्यांच्याकडे होती, तर त्यांनी ती वेळेत पोलिसांना का दिली नाही, असा सवाल तक्रारदारांनी उपस्थित केला.

धर्म आणि साधू–संतांविषयी आधारहीन आरोप करून समाजात गैरसमज निर्माण करणाऱ्या वक्तव्यांवर कारवाई व्हावी, अशी मागणी हिंदू महासभा व सकल हिंदू समाजाने केली आहे.

ही तक्रार आज २७ नोव्हेंबर २०२५ रोजी दुपारी १२ वाजता नोंदवण्यात आली. यावेळी हिंदू महासभा आणि सकल हिंदू समाजाचे पदाधिकारी व नागरिक उपस्थित होते.

— प्रतिनिधी : उमेश कुलकर्णी, पुणे
मो. 9822548429