📰 जुन्या बँक खात्यांमध्ये विसरलेले पैसे परत मिळवण्याची संधी! RBI कडून विशेष मोहिम सुरू

📰 जुन्या बँक खात्यांमध्ये विसरलेले पैसे परत मिळवण्याची संधी! RBI कडून विशेष मोहिम सुरू

मुंबई :
भारतीय रिझर्व्ह बँकेने (RBI) देशभरातील नागरिकांसाठी महत्त्वाची माहिती जाहीर केली आहे. अनेक नागरिकांची किंवा त्यांच्या कुटुंबीयांची काही बँक खाती दीर्घकाळ निष्क्रिय राहिल्याने त्या खात्यांमधील रक्कम ‘ठेवीदार शिक्षण आणि जागरूकता निधी’ (Depositor Education and Awareness Fund – DEA Fund) मध्ये वर्ग करण्यात आली आहे. मात्र, ही रक्कम आता संबंधित खातेदारांना पुन्हा मिळवता येणार आहे.

RBI ने या संदर्भात ‘उद्गम पोर्टल’ (https://udgam.rbi.org.in) सुरू केले असून, या पोर्टलवर आपले किंवा आपल्या कुटुंबातील सदस्यांचे निष्क्रिय/विसरलेले खाते शोधता येते.

👉 पैसे परत मिळवण्यासाठी आवश्यक प्रक्रिया:

आपल्या बँकेच्या जवळच्या शाखेत जा.

KYC कागदपत्रे (आधार, पॅन, पासपोर्ट, मतदार ओळखपत्र किंवा ड्रायव्हिंग लायसन्स) सादर करा.

आवश्यक तपासणीनंतर बँक तुमची रक्कम परत करेल. लागू असल्यास व्याजासह रक्कम दिली जाईल.

RBI ने जाहीर केले आहे की ऑक्टोबर ते डिसेंबर 2025 दरम्यान देशभरात “दावा न केलेल्या ठेवी”वर विशेष जनजागृती शिबिरे आयोजित केली जातील, ज्यामध्ये नागरिकांना आपली जुनी खाती शोधणे आणि पैसे परत मिळवणे याबद्दल मार्गदर्शन केले जाईल.

🔒 RBIचा सल्ला: “जाणकार बना, सतर्क राहा!”
नागरिकांनी कोणत्याही फसवणुकीपासून सावध राहून, केवळ अधिकृत बँक शाखा किंवा RBIच्या अधिकृत वेबसाइटवरूनच प्रक्रिया करावी, असेही आवाहन करण्यात आले आहे.

✍️ प्रतिनिधी : उमेश कुलकर्णी