🇮🇳 भारतीय महिला क्रिकेट संघाचा ऐतिहासिक विजय!

🇮🇳 भारतीय महिला क्रिकेट संघाचा ऐतिहासिक विजय!

२०२५ महिला वर्ल्ड कप – भारत पहिल्यांदाच जागतिक विजेता

मुंबई :
भारतीय महिला क्रिकेट संघाने २०२५ महिला क्रिकेट वर्ल्डकपमध्ये इतिहास रचला आहे! हरमनप्रीत कौरच्या नेतृत्त्वाखाली भारताने दक्षिण आफ्रिकेला पराभूत करत प्रथमच वर्ल्ड चॅम्पियनपद पटकावले. डीवाय पाटील स्टेडियमवर खेळलेल्या अंतिम सामन्यात भारताने २९८ धावा करून प्रतिस्पर्ध्यांना २७२ धावांवर रोखले.

शफाली वर्माने ८७ धावांची झंझावाती खेळी करत भारतीय डावाला आकार दिला, तर दीप्ती शर्मा (५८), स्मृती मंधाना (४५) आणि ऋचा घोष (३४) यांनीही मोलाचे योगदान दिले.

सेमी फायनलमध्ये बलाढ्य ऑस्ट्रेलियावर विजय मिळवून भारताने अंतिम फेरी गाठली होती. संपूर्ण स्पर्धेत हरमनप्रीत कौरने संघाला आत्मविश्वास, जोश आणि लढाऊ वृत्ती दिली.

देशभरात या विजयाचा जल्लोष होत असून महिला क्रिकेटला नवा आयाम मिळाल्याची भावना व्यक्त होत आहे.
शफाली वर्मा आणि दीप्ती शर्मा या या ऐतिहासिक यशाच्या खऱ्या शिल्पकार ठरल्या आहेत.

प्रतिनिधी उमेश कुलकर्णी पुणे