📰 संघाच्या शताब्दी वर्षानिमित्त 100 रुपयांचे विशेष नाणे व टपाल तिकीट प्रकाशित

📰 संघाच्या शताब्दी वर्षानिमित्त 100 रुपयांचे विशेष नाणे व टपाल तिकीट प्रकाशित

पुणे – राष्ट्रीय स्वयंसेवक संघाच्या स्थापनेला 100 वर्षे पूर्ण झाल्याच्या औचित्याने केंद्र सरकारतर्फे विशेष ₹100 चे नाणे आणि टपाल तिकीट प्रकाशित करण्यात आले. या प्रकाशन सोहळ्यास पंतप्रधान नरेंद्र मोदी उपस्थित होते.

विशेष नाण्यावर भारत मातेचे चित्र तसेच संघाचे बोधवाक्य  आहे. भारताच्या नाण्यावर प्रथमच भारतमातेचे चित्र मुद्रित करण्यात आले असल्याचे मोदींनी सांगितले.

या प्रसंगी पंतप्रधान मोदी म्हणाले की, संघाचे स्वयंसेवक सातत्याने देशसेवेत गुंतलेले असून समाजाला सशक्त बनविण्याचे कार्य करीत आहेत. “संघाने देशाच्या प्रत्येक क्षेत्राला आणि प्रत्येक पैलूला स्पर्श केला आहे, हे एका अविरत तपाचे फळ आहे,” असे गौरवोद्गार त्यांनी काढले.

संघाच्या शताब्दी वर्षानिमित्त प्रकाशित करण्यात आलेले हे विशेष नाणे आणि टपाल तिकीट संघाच्या कार्याचा व परंपरेचा गौरवशाली वारसा जपणारे ठरत असल्याचे यावेळी नमूद करण्यात आले.

प्रतिनिधी उमेश कुलकर्णी पुणे