📰 वाहन दंड सवलतीसाठी नागरिकांची प्रचंड गर्दी; ऑनलाईन सुविधेची मागणी

📰 वाहन दंड सवलतीसाठी नागरिकांची प्रचंड गर्दी; ऑनलाईन सुविधेची मागणी

पुणे :
पुणे शहर वाहतूक पोलिस व पुणे जिल्हा विधी सेवा प्राधिकरण यांच्या संयुक्त विद्यमाने राष्ट्रीय लोकअदालतीत प्रलंबित वाहन दंड सवलतीत भरण्याची संधी दिल्यामुळे पुण्यात प्रचंड गर्दी उसळली आहे. नागरिक सकाळी ६ वाजल्यापासून वाहतूक शाखा कार्यालयाबाहेर रांगा लावत आहेत. मात्र, प्रत्यक्षात फक्त २०० टोकन दिली जात आहे अस नागरिकाचे म्हणणं आहे त्यामुळे शेकडो नागरिक नाराज होऊन परत जात आहेत.

गेल्या दोन दिवसांत तब्बल ₹४५ लाखांचा दंड नागरिकांनी भरला असून डिसेंबरमध्ये पुन्हा लोकअदालत आयोजित केली जाणार असल्याचे वाहतूक विभागाने स्पष्ट केले आहे. त्यामुळे नागरिकांनी अनावश्यक गर्दी करू नये, असे आवाहनही करण्यात आले आहे.

दरम्यान, अनेक नागरिकांनी नाराजी व्यक्त करत सांगितले की —
🗣️ “५० टक्के दंड भरण्याची ही सुविधा ऑनलाईन किंवा मोबाईल अॅपवर उपलब्ध करून दिल्यास मोठी गैरसोय आणि गर्दी टळेल. अपुऱ्या टोकनमुळे लोकांना परत जावे लागत आहे.

लोकअदालतीमुळे प्रलंबित दंड सोयीस्कर मार्गाने निकाली निघत असले तरी योग्य नियोजन आणि डिजिटल सुविधा नसल्याने नागरिकांना मोठा त्रास सहन करावा लागत आहे.

प्रतिनिधी उमेश कुलकर्णी पुणे

9822548428