📰 सफेद रंगाच्या हेडलाइट्स बंद करण्याची सोशल मीडियावर जोरदार मागणी

📰 सफेद रंगाच्या हेडलाइट्स बंद करण्याची सोशल मीडियावर जोरदार मागणी

पुणे – शहरात व ग्रामीण भागात रात्री वाहनांच्या सफेद रंगाच्या हेडलाइट्समुळे अपघातांचे प्रमाण वाढत असल्याची तक्रार नागरिकांकडून सतत होत आहे. विशेषतः दोनचाकी व चारचाकी वाहनांवर बसवलेल्या जास्त उजेडाच्या LED व HID हेडलाइट्समुळे समोरून येणाऱ्या वाहनचालकांचे डोळे दिपतात व अपघाताचा धोका निर्माण होतो.

नागरिकांच्या या त्रासाला वाचा फोडण्यासाठी सोशल मीडियावर आता मोठ्या प्रमाणावर मोहीम राबवली जात असून “सफेद हेडलाइट्स बंद करा” अशी मागणी जोर धरत आहे. अनेकांनी #BanWhiteHeadlights हा हॅशटॅग वापरून आपला संताप व्यक्त केला आहे.

वाहनधारकांच्या सुरक्षेसाठी आरटीओकडून ठरवलेली नियमबद्ध मर्यादा ओलांडणाऱ्या हेडलाइट्सचा वापर बेकायदेशीर आहे. तरीदेखील रस्त्यावर सर्रास पांढऱ्या तेजस्वी दिव्यांचा वापर होत असल्याचे चित्र दिसते. याबाबत तातडीने पावले उचलण्याची मागणी होत असून,

पोलिस प्रशासनाने तपासणी मोहीम राबवावी,

नियमभंग करणाऱ्यांवर दंडात्मक कारवाई व्हावी,

तसेच जनजागृती करून साध्या पिवळसर प्रकाशाच्या अधिकृत हेडलाइट्स वापरण्यास प्रवृत्त करावे,

अशी मागणी होत आहे.

नागरिकांचे म्हणणे आहे की, “रस्त्यांवर सफेद हेडलाइट्सचा त्रास दिवसेंदिवस वाढतो आहे. अपघात रोखायचे असतील तर सरकारने तातडीने यावर बंदी घालावी.”

प्रतिनिधी उमेश कुलकर्णी पुणे