🚩 सावरकरांची हिंदू महासभा पुन्हा मैदानात ; आनंद दवे प्रदेश कार्याध्यक्ष पुणे :

🚩 सावरकरांची हिंदू महासभा पुन्हा मैदानात ; आनंद दवे प्रदेश कार्याध्यक्ष

पुणे :
इंग्रजांच्या काळात हिंदूंवर होणारा अन्याय आणि काँग्रेसकडून मुस्लिमांचे होणारे संरक्षण याविरोधात स्थापन झालेली सावरकरांची हिंदू महासभा आता पुन्हा एकदा राजकीय पक्ष म्हणून सक्रिय होणार आहे.

अलीकडेच दिल्ली येथे झालेल्या हिंदुत्ववादी संस्था आणि कार्यकर्त्यांच्या बैठकीत हिंदू महासभेला पुनर्जिवीत करून संघटनात्मक विस्तार करण्याचा निर्णय घेण्यात आला.

या पार्श्वभूमीवर आनंद दवे यांची हिंदू महासभेच्या प्रदेश कार्याध्यक्षपदी निवड झाली आहे. तसेच मनोजजी तारे यांची प्रदेश सहकार्यवाह तर विवेकजी परदेशी यांची पुणे जिल्हा अध्यक्ष म्हणून नियुक्ती करण्यात आली आहे.

याशिवाय नितीन शिंदे, नितीन शुक्ल, उमेश कुलकर्णी, सुर्यकांत कुंभार, दिलीप वैद्य, हनुमंत कुलकर्णी, गोवर्धन बंजारा यांच्यासह अनेकांना हिंदू महासभेचे सदस्यत्व देण्यात आले आहे. लवकरच राज्य आणि शहर स्तरावर नवी जबाबदाऱ्या जाहीर होणार आहेत.

हिंदू महासभा आता एक राजकीय पक्ष म्हणूनच कार्यरत राहणार असून पुढील काळात सदस्य नोंदणी, विविध उपक्रम आणि जाहीर सभा आयोजित करण्यात येणार असल्याचे पदाधिकाऱ्यांनी स्पष्ट केले आहे.

प्रतिनिधी उमेश कुलकर्णी पुणे
9822548429