📰 पिंपरी-चिंचवडमध्ये राष्ट्रीय स्वयंसेवक संघाची ४५ ठिकाणी विजयादशमी उत्सवाची धूम

📰 पिंपरी-चिंचवडमध्ये राष्ट्रीय स्वयंसेवक संघाची ४५ ठिकाणी विजयादशमी उत्सवाची धूम

पिंपरी – पिंपरी-चिंचवड शहरातील राष्ट्रीय स्वयंसेवक संघ (आरएसएस) तर्फे यंदा विजयादशमी उत्सवाची भव्य तयारी करण्यात आली आहे. रविवारी (दि. २८) शहरातील विविध भागांतील 29 ठिकाणी संचलन काढण्यात येणार असून, दसऱ्याच्या दिवशी (दि. २) आणि रविवारी (दि. ५ ऑक्टोबर) आणखी १४ ठिकाणी कार्यक्रम होणार आहेत. याशिवाय २७ व ३० सप्टेंबरला दोन ठिकाणी उत्सवाचे आयोजन करण्यात येणार आहे. अशा प्रकारे एकूण ४५ ठिकाणी विजयादशमी साजरी होणार असल्याची माहिती पिंपरी-चिंचवड जिल्हा संघचालक विनोद बन्सल यांनी दिली.

राष्ट्रीय स्वयंसेवक संघामध्ये विजयादशमी उत्सवाला विशेष महत्त्व आहे. यंदा संघ स्थापनेला १०० वर्षे पूर्ण होत असल्याने कार्यक्रम अधिकच भव्य स्वरूपात होणार आहे. शहरातील विविध ठिकाणी होणाऱ्या या संचलनात संघाचे स्वयंसेवक मोठ्या संख्येने सहभागी होणार असून, यावेळी शारीरिक प्रात्यक्षिके, घोष पथसंचलन, गीतगायन, शस्त्रपूजन तसेच प्रमुख वक्त्यांची प्रेरणादायी भाषणे होणार आहेत.

या पार्श्वभूमीवर पिंपरी-चिंचवडमध्ये संघाच्या विजयादशमी उत्सवाबद्दल उत्सुकता निर्माण झाली आहे. नागरिकांनी मोठ्या संख्येने या कार्यक्रमांना उपस्थित राहून सहभागी व्हावे, असे आवाहन करण्यात आले आहे.

प्रतिनिधी उमेश कुलकर्णी पुणे
9822548429