🌧️ महाराष्ट्रात मुसळधार पावसामुळे हाहाकार!

🌧️ महाराष्ट्रात मुसळधार पावसामुळे हाहाकार! 🌧️

पिंपरी चिंचवड: राज्यात गेल्या काही दिवसांपासून सुरू असलेल्या अवकाळी आणि मुसळधार पावसामुळे अनेक ठिकाणी जनजीवन विस्कळीत झाले आहे. नद्यांना पूर आला असून, खेडी व शहरांमध्ये पाणी शिरल्याने मोठ्या प्रमाणावर नुकसान झाले आहे.

• पुणे, नाशिक, अहिल्यानगर ,सातारा, कोल्हापूर, सांगलीसह मराठवाडा व विदर्भातील अनेक जिल्ह्यांना पावसाचा फटका बसला.
• शेतजमिनी पाण्याखाली गेल्याने पिकांचे मोठे नुकसान झाले.
• नद्या-नाले तुडुंब भरले असून काही ठिकाणी पूल वाहून गेले आहेत.
• अनेक भागात घरांमध्ये पाणी शिरल्याने नागरिकांना सुरक्षितस्थळी स्थलांतरित करण्यात येत आहे.
• प्रशासनाकडून एनडीआरएफ पथकांची मदत घेऊन बचावकार्य सुरू आहे.

दरम्यान, हवामान विभागाने पुढील ४८ तासांसाठी राज्यातील अनेक जिल्ह्यांना पिवळा आणि नारंगी इशारा दिला आहे. नागरिकांनी अनावश्यक घराबाहेर पडू नये, असे आवाहन प्रशासनाने केले आहे.

प्रतिनिधी:शाम शिरसाठ पुणे