📰 महाराष्ट्र लोकसेवा आयोगाची राज्यसेवा पूर्व परीक्षा पुढे ढकलली; आता ९ नोव्हेंबरला होणार परीक्षा

📰 महाराष्ट्र लोकसेवा आयोगाची राज्यसेवा पूर्व परीक्षा पुढे ढकलली; आता ९ नोव्हेंबरला होणार परीक्षा

नवी मुंबई – महाराष्ट्र लोकसेवा आयोगामार्फत दिनांक २८ सप्टेंबर २०२५ रोजी घेण्यात येणारी महाराष्ट्र नागरी सेवा  राज्यपत्रित संयुक्त पूर्व परीक्षा – २०२५ पुढे ढकलण्यात आली आहे. राज्यातील विविध जिल्ह्यांत पूरस्थिती, प्रतिकूल हवामान, वाहतूक व्यवस्थेतील अडचणी आणि अनेक भागांतील संपर्क तुटल्यामुळे हा महत्त्वपूर्ण निर्णय घेण्यात आला आहे.

ही माहिती महाराष्ट्र लोकसेवा आयोगाच्या पत्रक क्रमांक : एमआयएस-0124/प्र.क्र.102/२०२५/जाहिरात, दिनांक २६ सप्टेंबर २०२५ द्वारे जाहीर करण्यात आली आहे.

आयोगाच्या माहितीनुसार, या परीक्षेसाठी 37 जिल्ह्यांमधील 524 उपकेंद्रांवर परीक्षा आयोजित करण्यात आली होती. मात्र, अनेक तालुक्यांचा संपर्क तुटलेला असून हवामान खात्यानेही आगामी काही दिवसांसाठी अतिवृष्टीचा इशारा दिल्याने परीक्षार्थ्यांची गैरसोय व सुरक्षिततेचा प्रश्न निर्माण झाला होता. त्यामुळे राज्य शासनाच्या शिफारशीवरून महाराष्ट्र लोकसेवा आयोगाने परीक्षा पुढे ढकलण्याचा निर्णय घेतला.

👉 आयोगाने स्पष्ट केले आहे की, “कोणीही परीक्षार्थी परीक्षेपासून वंचित राहू नये” या उद्देशाने ही परीक्षा पुढे ढकलण्यात आली आहे.

➡️ सुधारित तारखेनुसार महाराष्ट्र नागरी सेवा राज्यपत्रित संयुक्त पूर्व परीक्षा – २०२५ आता ०९ नोव्हेंबर २०२५ रोजी घेण्यात येईल.
➡️ या बदलासंदर्भातील सुधारित वेळापत्रक स्वतंत्रपणे लवकरच प्रसिद्ध करण्यात येणार आहे.

यापूर्वी आयोगाने २८ सप्टेंबर रोजी परीक्षेचे वेळापत्रक जाहीर केले होते. मात्र, अनेक जिल्ह्यांमध्ये पूरस्थिती आणि वाहतूक कोंडीमुळे हजारो विद्यार्थ्यांना परीक्षा केंद्रांपर्यंत पोहोचणे कठीण होणार होते. या पार्श्वभूमीवर विद्यार्थ्यांच्या हितासाठी आयोगाने संवेदनशील निर्णय घेतल्याचे सांगण्यात आले.

आयोगाने परीक्षार्थींना वारंवार अधिकृत संकेतस्थळ www.mpsc.gov.in आणि mpsconline.gov.in यावर नियमित तपासणी करून अद्ययावत माहिती मिळवण्याचे आवाहन केले आहे.
प्रतिनिधी उमेश कुलकर्णी पुणे