📰 बाप्पाच्या विसर्जनाला गालबोट; पुण्यात दोन युवकांचा बुडून मृत्यू.

📰 बाप्पाच्या विसर्जनाला गालबोट; पुण्यात दोन युवकांचा बुडून मृत्यू

प्रतिनिधी पिंपरी चिंचवड:    पुणे जिल्ह्यातील खेड तालुक्यात वाकी बुद्बूक या गावात गणेश विसर्जनाच्या उत्साहात दुर्दैवी घटना घडली आहे. विसर्जनासाठी गेलेल्या दोन युवकांचा पाण्यात बुडून मृत्यू झाला. आनंद आणि श्रद्धेच्या वातावरणात अचानक आलेल्या या घटनेमुळे परिसरात हळहळ व्यक्त होत आहे.

मिळालेल्या माहितीनुसार, विसर्जन मिरवणुकीदरम्यान युवक पाण्यात उतरले होते. मात्र, खोल पाणी आणि त्यातील जोरदार प्रवाहामुळे त्यांचा तोल गेला आणि ते बाहेर येऊ शकले नाहीत. स्थानिक नागरिक आणि बचाव पथकाने त्यांना बाहेर काढण्याचा प्रयत्न केला, पण तोपर्यंत दोघांनीही प्राण गमावले होते.

या घटनेने मृत युवकांच्या कुटुंबियांवर दु:खाचा डोंगर कोसळला आहे. त्यांचा मन हेलावणारा आक्रोश पाहून उपस्थितांच्या डोळ्यात पाणी आले.

🔸 पोलिसांकडून आवाहन

गणेश विसर्जनावेळी पाण्यात उतरतानाच काळजी घ्यावी, पुरेशा सुरक्षा उपायांशिवाय खोल पाण्यात जाणे टाळावे, असे आवाहन पोलिस आणि प्रशासनाकडून करण्यात आले आहे.

प्रतिनिधी:शाम शिरसाठ पुणे