📰 पिंपरी-चिंचवडचा अभिमान – कु. श्रावणी टोणगे..!

📰 पिंपरी-चिंचवडचा अभिमान – कु. श्रावणी टोणगे..!

प्रतिनिधी: पिंपरी-चिंचवड महापालिकेच्या कासारवाडी येथील छत्रपती शाहू महाराज इंग्लिश मीडियम स्कूल मधील विद्यार्थिनी कु. श्रावणी टोणगे हिने अभिमानास्पद यश संपादन केले आहे. श्रावणीची निवड थेट जर्मनीतील प्रतिष्ठित युनायटेड वर्ल्ड कॉलेज (UWC) – रॉबर्ट बॉश महाविद्यालय येथे झाली असून, तिला तब्बल एक कोटी रुपयांची शिष्यवृत्ती मिळाली आहे.

ही कामगिरी करणारी श्रावणी महाराष्ट्रातील पहिली विद्यार्थिनी ठरली आहे. तिच्या या यशामुळे केवळ तिच्या कुटुंबाचा नाही तर संपूर्ण पिंपरी-चिंचवड शहराचा अभिमान वाढला आहे.

नुकतीच महापालिका आयुक्त मा. शेखर सिंह यांनी स्वतः श्रावणीच्या कासारवाडी येथील घरी भेट देऊन तिचे कौतुक केले व पुढील वाटचालीसाठी शुभेच्छा दिल्या.

श्रावणीचे हे यश अनेक विद्यार्थ्यांसाठी प्रेरणादायी ठरणार असून, तिचे, तिच्या पालकांचे तसेच मार्गदर्शक शिक्षकांचे सर्वत्र अभिनंदन होत आहे.

✨ कु. श्रावणी टोणगेस पुढील शैक्षणिक व व्यावसायिक वाटचालीसाठी हार्दिक शुभेच्छा…!

प्रतिनिधी:शाम शिरसाठ पुणे