थेरगाव बंद: 30 जून रोजी DP प्लानला नागरिकांचा तीव्र विरोध
थेरगाव, 30 जून |
थेरगावमधील नागरिकांनी महापालिकेच्या नवीन विकास आराखड्याविरोधात तीव्र संताप व्यक्त करत 30 जून रोजी ‘थेरगाव बंद’ पाळला. मागील 25 वर्षांपासून स्थायिक असलेल्या नागरिकांच्या घरांवर रिंग रोड आणि इतर प्रकल्पांच्या नावाखाली हातोडा पडण्याची भीती निर्माण झाली आहे.
या पार्श्वभूमीवर ‘DP नव्हे, हा डिस्ट्रॉय प्लान आहे’ अशा घोषणांनी थेरगाव परिसर दणाणून गेला. दुकाने, व्यवसाय, स्वयंस्फूर्तीने बंद ठेवण्यात आल्या आणि नागरिक रस्त्यावर उतरले. “आमचे घर, आमचा हक्क” असा बुलंद आवाज सर्वत्र ऐकू येत होता.
> “विकासाच्या नावाखाली आम्हाला बेघर करायचा अधिकार कोणाला?”
असा संतप्त सवाल स्थानिकांनी उपस्थित केला.
🔹 बंदचे वैशिष्ट्य:
व्यापाऱ्यांनी, स्थानिक दुकानदारांनी बंदला दिला पूर्ण पाठिंबा
अनेक ठिकाणी नागरिकांनी शांततापूर्ण आंदोलन केलं
महिला आणि ज्येष्ठ नागरिकांचाही मोठ्या प्रमाणात सहभाग
📢 नागरिकांची ठाम मागणी:
DP प्लान तात्काळ मागे घ्यावा
घरे नियमित करून प्रॉपर्टी कार्ड मिळावे
कोणताही निर्णय स्थानिकांच्या सहमतीशिवाय लागू करू नये
थेरगाव बंदच्या उत्स्फूर्त प्रतिसादातून स्पष्ट झाले की, नागरिकांना दुर्लक्षित करून कोणताही आराखडा यशस्वी होणार नाही. प्रशासनाने यावर गांभीर्याने विचार करून त्वरित पावले उचलावी, अन्यथा हे आंदोलन अधिक तीव्र आणि व्यापक होण्याची शक्यता आहे.
