🔱 श्रीमंत बाजीराव पेशवे यांच्या अश्वारूढ पुतळ्याचे भव्य अनावरण

📍 NDA पुणे | ऐतिहासिक सोहळा ,

श्रीमंत बाजीराव पेशवे यांच्या अश्वारूढ पुतळ्याचे भव्य अनावरण

पुणे, ४ जुलै २०२५:
राष्ट्रीय संरक्षण प्रबोधिनी (NDA), पुणे येथे आज इतिहासात सुवर्णाक्षरांनी कोरला जाईल असा सोहळा पार पडला. मराठा साम्राज्याचे अजय, अपराजित आणि पराक्रमी सेनापती श्रीमंत बाजीराव पेशवे यांच्या भव्य अश्वारूढ पुतळ्याचे अनावरण आज मोठ्या दिमाखात करण्यात आले.

या ऐतिहासिक सोहळ्यास देशाचे गृहमंत्री मा. अमित शहा, महाराष्ट्राचे मुख्यमंत्री मा. देवेंद्र फडणवीस, उपमुख्यमंत्री मा. अजितदादा पवार आणि मा. एकनाथ शिंदे, तसेच खासदार मेधा कुलकर्णी आणि इतर मान्यवर उपस्थित होते. उपस्थित सर्व मान्यवरांनी बाजीराव पेशव्यांच्या शौर्याची आठवण करून दिली आणि त्यांचे योगदान गौरवले.

श्रीमंत बाजीराव पेशवे हे मराठा इतिहासातील एक अद्वितीय सेनानी होते. त्यांनी अनेक लढायांमध्ये अपराजित राहून मराठा साम्राज्याचा विस्तार केला. त्यांनी दाखवलेल्या धाडस, दूरदृष्टी आणि रणनितीचा आदर्श आजही भारतीय सैन्य आणि तरुणांमध्ये प्रेरणास्त्रोत आहे.

या भव्य अश्वारूढ पुतळ्याच्या उभारणीने NDA च्या परिसरात एक नवीन ऐतिहासिक आणि प्रेरणादायी अध्याय जोडला गेला असून बाजीराव पेशव्यांच्या शौर्याची साक्ष प्रत्यक्षात दिसून येते